O‘zbekiston Respublikasi Prezidentining
Qarori
Kon-metallurgiya sanoati va unga bog‘liq sohalarni rivojlantirish
bo‘yicha qo‘shimcha chora-tadbirlar to‘g‘risida
Kon-metallurgiya
sanoati mahsulotlari negizida ilg‘or jahon amaliyoti asosida yuqori qo‘shilgan
qiymatli tayyor mahsulotlar ishlab chiqarish quvvatlarini tashkil etish, unga
bog‘liq bo‘lgan tarmoqlarni rivojlantirish hamda ushbu yo‘nalishning
investitsiyaviy jozibadorligini oshirish maqsadida:
1.
Iqtisodiy taraqqiyot va kambag‘allikni qisqartirish vazirligi, Moliya
vazirligi, Investitsiyalar va tashqi savdo vazirligi, Innovatsion rivojlanish
vazirligi, Davlat geologiya va mineral resurslar qo‘mitasi, “Olmaliq KMK” AJ,
“O‘zeltexsanoat” uyushmasining quyidagilarni kon-metallurgiya sanoati va unga
bog‘liq tarmoqlarni rivojlantirishning asosiy yo‘nalishlari etib belgilash
to‘g‘risidagi takliflari ma’qullansin:
“xomashyodan
tayyor mahsulotgacha” bo‘lgan ko‘p pog‘onali qo‘shilgan qiymat zanjirlarini
yaratishga qaratilgan iqtisodiyotning drayveri sifatida respublikada mis
mahsuloti va u bilan bog‘liq sohalarda yuqori qo‘shilgan qiymatli tayyor
mahsulotlar ishlab chiqarish bo‘yicha ilmiy-texnologik klasterni (keyingi
o‘rinlarda — Mis sanoati klasteri) tashkil etish;
kon-metallurgiya
sanoatini uzoq muddatli istiqbolda ishonchli resurs bazasi bilan ta’minlash
uchun mis, rangli, nodir va noyob metallar bo‘yicha geologiya-qidiruv ishlarini
kengaytirish, geologiya fani va geologik xizmatlar bozorini rivojlantirish;
Mis
sanoati klasteri doirasida loyiha va injiniring xizmatlari, ilmiy-tadqiqot va
tajriba-konstruktorlik ishlarining o‘zaro bog‘liq tizimini rivojlantirish,
zamonaviy texnologiyalarni transfer qilish, innovatsiyalarni va raqamli
texnologiyalarni joriy etish hamda mavjudlarini takomillashtirish bo‘yicha
ilg‘or xorijiy tajribalar asosida fan va ishlab chiqarish o‘rtasidagi o‘zaro
hamkorlikning yangi tizimini yo‘lga qo‘yish;
Mis
sanoati klasteri uchun zarur bo‘lgan kon-metallurgiya mashinalari, texnikalari,
asbob-uskunalar, xomashyoni chuqur qayta ishlash, kimyoviy mahsulotlarning
yangi turlarini ishlab chiqarishni kengaytirish va o‘zlashtirish, mahalliy
ixtisoslashgan tashkilotlar bilan kooperatsiya va autsorsing asosida xizmat
ko‘rsatish turlarini rivojlantirish;
kon-metallurgiya,
elektrotexnika, mashinasozlik, dastgohsozlik sohalarida kadrlarni tayyorlash,
qayta tayyorlash va ularning malakasini oshirish tizimini tubdan
takomillashtirish, shuningdek, mavjud va yangi barpo etiladigan ishlab
chiqarish quvvatlarini yuqori malakali mahalliy va xorijiy mutaxassislar bilan
ta’minlash;
kon-metallurgiya
sanoatini zarur infratuzilma bilan ta’minlash hamda milliy ekologik talablarni
xalqaro standartlarga muvofiqlashtirish, atrof-muhitni muhofaza qilish va
suvdan oqilona foydalanish;
davlatning
kon-metallurgiya sanoati rivojlanishini ta’minlashga qaratilgan eng maqbul
tartibga solish siyosatini shakllantirish, sanoat tarmoqlarida milliy
raqobatbardoshlikni oshirish.
2.
Quyidagilar:
Mis
sanoati klasterini tashkil etish va rivojlantirish “yo‘l xaritasi” (keyingi
o‘rinlarda — “yo‘l xaritasi”) 1-ilovaga
muvofiq;
Mis
sanoati klasterini tashkil etish va rivojlantirish bo‘yicha maxsus komissiya
(keyingi o‘rinlarda — Maxsus komissiya) tarkibi 2-ilovaga muvofiq tasdiqlansin.
Maxsus
komissiyaga (A.N. Aripov) “yo‘l xaritasi”ga, zaruratga qarab, o‘zgartirish va
qo‘shimchalar kiritish huquqi berilsin.
3.
Maxsus komissiyaga quyidagi asosiy vazifalar yuklansin:
“yo‘l
xaritasi”da belgilangan chora- tadbirlar amalga oshirilishida mutasaddi
vazirlik, idora va tashkilotlar faoliyatini muvofiqlashtirish va ushbu
jarayonni nazorat qilish;
mutasaddi
vazirlik, idora va tashkilotlar tomonidan ishlab chiqilgan takliflarni ko‘rib
chiqish, ularni amaliyotga tatbiq etish bo‘yicha qarorlar qabul qilish;
Mis
sanoati klasterini tashkil etish va rivojlantirish hamda ushbu qaror ijrosini
ta’minlash bo‘yicha amalga oshirilayotgan chora-tadbirlar natijadorligini
muhokama qilib borish, shuningdek, “yo‘l xaritasi”ni amalga oshirishda yuzaga
keladigan masalalarni tezkor hal etish.
4.
Iqtisodiy taraqqiyot va kambag‘allikni qisqartirish vazirligi, Moliya
vazirligi, Investitsiyalar va tashqi savdo vazirligi, Innovatsion rivojlanish
vazirligi, Davlat geologiya va mineral resurslar qo‘mitasi, “Navoiy KMK” AJ va
“Olmaliq KMK” AJ:
O‘zbekiston
texnik jihatdan tartibga solish agentligi, “O‘zeltexsanoat” uyushmasi bilan
birgalikda 2021-yil 15-oktabrga qadar yetakchi xorijiy konsalting
kompaniyalarini jalb qilgan holda, 2022 — 2026-yillarda kon-metallurgiya
mashinalari, texnikalari va uskunalarining yangi turlarini ishlab chiqarishni
rivojlantirish dasturini;
“O‘zkimyosanoat”
AJ bilan birgalikda 2021-yil 30-oktabrga qadar kon-metallurgiya sanoati uchun
zarur bo‘lgan kimyoviy mahsulotlarni ishlab chiqarishni kengaytirish bo‘yicha
chora-tadbirlar dasturini (“Navoiyazot” AJda tashkil etilayotgan texnologik
kimyo klasterini hisobga olgan holda);
2021-yil
1-noyabrga qadar yetakchi xorijiy konsalting kompaniyalari hamda malakali
mutaxassislarni jalb qilgan holda, Mis sanoati klasterini tashkil etish va
rivojlantirish konsepsiyasini tasdiqlash uchun Vazirlar Mahkamasiga kiritsin.
5.
Moliya vazirligi, Iqtisodiy taraqqiyot va kambag‘allikni qisqartirish
vazirligi, “Navoiy KMK” AJ, “Olmaliq KMK” AJ, “O‘zkimyosanoat” AJ va uning
tarkibiga kiruvchi tashkilotlar, “O‘zeltexsanoat” uyushmasining:
Mis
sanoati klasterini tashkil etish va rivojlantirish konsepsiyasini hamda Kadrlar
tayyorlash va ularning malakasini oshirish tizimini takomillashtirish dasturini
ishlab chiqish, shu jumladan yetakchi xorijiy konsalting kompaniyalar hamda
malakali mutaxassislarni jalb qilish, xorijiy davlatlar tajribasini o‘rganish,
xizmat safarlarini tashkil etish bilan bog‘liq va boshqa tegishli xarajatlarni
“Olmaliq KMK” AJ mablag‘lari;
2022
— 2026-yillarda kon-metallurgiya mashinalari, texnikalari va uskunalarining
yangi turlarini ishlab chiqarishni rivojlantirish hamda kon-metallurgiya
sanoati uchun zarur bo‘lgan kimyoviy mahsulotlarni ishlab chiqarishni
kengaytirish dasturlarini ishlab chiqish bilan bog‘liq va boshqa xarajatlarni
tegishligicha “Navoiy KMK” AJ, “Olmaliq KMK” AJ, “O‘zkimyosanoat” AJ va boshqa
tarmoqlar korxonalarining mablag‘lari hisobidan amalga oshirish to‘g‘risidagi
takliflari ma’qullansin.
6.
“Navoiy KMK” AJ, “Olmaliq KMK” AJ, “O‘zkimyosanoat” AJ, “O‘zeltexsanoat”
uyushmasiga Moliya vazirligi hamda Iqtisodiy taraqqiyot va kambag‘allikni
qisqartirish vazirligi bilan birgalikda yetakchi xorijiy konsalting
kompaniyalar hamda malakali mutaxassislar bilan to‘g‘ridan to‘g‘ri muzokaralar
natijalariga ko‘ra eng maqbul taklifni tanlash asosida shartnomalar imzolashga
ruxsat berilsin.
7.
Davlat geologiya va mineral resurslar qo‘mitasi Iqtisodiy taraqqiyot va
kambag‘allikni qisqartirish vazirligi, Moliya vazirligi, manfaatdor vazirlik,
idora va tashkilotlar bilan birgalikda joriy yil 1-sentabrga qadar 2022 —
2026-yillarga mo‘ljallangan mis va boshqa rangli va noyob metallar uchun
geologiya-qidiruv ishlarining maqsadli dasturini tasdiqlash uchun Vazirlar
Mahkamasiga kiritsin.
8.
Moliya vazirligi Investitsiyalar va tashqi savdo vazirligi, Davlat geologiya va
mineral resurslar qo‘mitasi, Iqtisodiy taraqqiyot va kambag‘allikni
qisqartirish vazirligi bilan birgalikda 2021-yil 1-sentabrga qadar xorijiy
davlatlarning kam xarajatli injiniring xizmatlarini rivojlantirish bo‘yicha
ilg‘or tajribasini o‘rgangan holda, ularni respublikada qo‘llash to‘g‘risidagi
takliflarni Maxsus komissiyaga kiritsin.
9.
Investitsiyalar va tashqi savdo vazirligi:
Moliya
vazirligi, “Olmaliq KMK” AJ va “O‘zeltexsanoat” uyushmasi bilan birgalikda
2021-yil 1-dekabrga qadar Mis sanoati klasteri faoliyatini tashkil etishga
yetakchi xorijiy ishlab chiqaruvchilar va salohiyatli investorlarni jalb qilish
tizimini joriy etsin;
Iqtisodiy
taraqqiyot va kambag‘allikni qisqartirish vazirligi, Qoraqalpog‘iston
Respublikasi Vazirlar Kengashi va viloyatlar hokimliklari bilan birgalikda
2021-yil yakuniga qadar Mis sanoati klasterini tashkil etish uchun zarur
investitsiya loyihalari ro‘yxatini tarmoqlar kesimida tayyorlagan holda, maxsus
sanoat zonalarini tashkil etish yuzasidan takliflarni Maxsus komissiyaga
kiritsin.
10.
Ekologiya va atrof-muhitni muhofaza qilish davlat qo‘mitasi:
ikki
oy muddatda kon-metallurgiya sanoatida milliy ekologik talablarni xalqaro
standartlarga muvofiqlashtirish bo‘yicha amaliy chora-tadbirlar rejasi va
xalqaro ekologik talablarni amalga oshirish jadvalini Vazirlar Mahkamasiga
kiritsin;
uch
oy muddatda kon-metallurgiya sanoati va boshqa bazaviy tarmoqlarning yirik
korxonalarida atrof-muhitga chiqariladigan chiqindilarni kamaytirish dasturlarini
ishlab chiqsin hamda ularning bajarilishini qat’iy nazoratga olsin.
Bunda,
kon-metallurgiya sanoatida milliy ekologik talablarni xalqaro standartlarga
muvofiqlashtirish jarayoniga xalqaro moliya tashkilotlari va xorijiy donorlar
grantlari va texnik yordamini jalb qilishga e’tibor qaratsin.
11.
Iqtisodiy taraqqiyot va kambag‘allikni qisqartirish vazirligi Moliya vazirligi
bilan birgalikda Energetika vazirligi, Transport vazirligi, Axborot
texnologiyalari va kommunikatsiyalarini rivojlantirish vazirligi takliflari
asosida 2021-yil 1-noyabrga qadar Mis sanoati klasterini zarur resurslar va
infratuzilma bilan ta’minlash bo‘yicha aniq hisob-kitoblarga asoslangan
takliflarni Vazirlar Mahkamasiga kiritsin.
Bunda,
Mis sanoati klasterini tashkil qilishda elektr energiyasini, shu jumladan qayta
tiklanuvchi energiya manbalaridan foydalangan holda ishlab chiqarish va
transportirovka qilish imkoniyatlari, suv ta’minoti, transport va muhandislik
kommunikatsiyalarini yaratish, Mis sanoati klasteri korxonalarining faoliyatini
raqamlashtirish va telekommunikatsiya texnologiyalarini joriy etish masalalari
nazarda tutilsin.
12.
Bosh vazir o‘rinbosari — iqtisodiy taraqqiyot va kambag‘allikni qisqartirish
vaziri J.A. Qo‘chqorov Moliya vazirligi bilan birgalikda:
uch
oy muddatda kon-metallurgiya sanoati bo‘yicha jahon amaliyotini o‘rganish, eng
maqbul tajribalarni respublika amaliyotiga tatbiq etish, ishlab chiqarish
zanjirlarini tahlil qilish va rivojlantirish, qazib olish tannarxini
kamaytirish va qo‘shimcha qiymat yaratish masalalari bilan shug‘ullanuvchi
Kon-metallurgiya sanoati iqtisodiyotini o‘rganish markazini tashkil etish
bo‘yicha takliflarni;
2021-yil
1-oktabrga qadar yer qa’ridan foydalanish va geologiya sohasida, shuningdek,
kon-metallurgiya sanoatida soliq tizimini takomillashtirish bo‘yicha tegishli
qonunchilik hujjatlari loyihalarini;
2021-yil
1-noyabrga qadar Sanoat tarmoqlarida milliy raqobatbardoshlikni, shu jumladan
mehnat unumdorligini oshirish dasturini amalga oshirish bo‘yicha takliflarni
O‘zbekiston Respublikasi Prezidenti Administratsiyasiga kiritsin.
13.
Quyidagilar:
a)
Suv xo‘jaligi vazirligi Davlat geologiya va mineral resurslar qo‘mitasi,
Iqtisodiy taraqqiyot va kambag‘allikni qisqartirish vazirligi, Sanoat
xavfsizligi davlat qo‘mitasi bilan birgalikda ikki oy muddatda “Navoiy KMK” AJ
va “Olmaliq KMK” AJning suv resurslariga bo‘lgan ehtiyojini hisobga olgan
holda, ushbu kombinatlarda suv resurslaridan tejamkor foydalanish dasturini;
b)
Oliy va o‘rta maxsus ta’lim vazirligi Iqtisodiy taraqqiyot va kambag‘allikni
qisqartirish vazirligi, Moliya vazirligi, Fanlar akademiyasi, “Navoiy KMK” AJ,
“Olmaliq KMK” AJ va “O‘zeltexsanoat” uyushmasi bilan birgalikda — 2021-yil
1-dekabrga qadar ilg‘or xorijiy tajribani o‘rgangan holda, quyidagilarni
nazarda tutuvchi Mis sanoati klasteri uchun kadrlarni tayyorlash va qayta
tayyorlash, ularning malakasini oshirish hamda sohada tajriba-konstruktorlik va
ilmiy izlanishlar ko‘lamini kengaytirish dasturini:
kon-metallurgiya
sanoati va unga bog‘liq bo‘lgan sohalar uchun muhandis, texnik va boshqa o‘rta
bo‘g‘in ishchi-xodimlarni tayyorlash bo‘yicha professional ta’lim o‘quv
dasturlarini ularning amaliyot bilan uzviy bog‘liqligini yanada kuchaytirgan
holda takomillashtirish;
sohada
joriy etilayotgan yangi texnologiyalarni o‘zlashtirish va ulardan samarali
foydalanish, loyihalashtirish, tajriba-konstruktorlik faoliyatini
rivojlantirish maqsadida kadrlar malakasini oshirish va ularni qayta
tayyorlash;
ixtisoslashtirilgan
oliy ta’lim muassasalarida mos yo‘nalishlar bo‘yicha kechki, sirtqi va
masofaviy ta’lim shakllari asosida kadrlar tayyorlash tizimini rivojlantirish,
shuningdek, ilmiy izlanishlar olib borish ko‘lamini kengaytirish;
v)
Sanoat xavfsizligi davlat qo‘mitasi Bandlik va mehnat munosabatlari vazirligi,
O‘zbekiston texnik jihatdan tartibga solish agentligi bilan birgalikda —
2021-yil yakuniga qadar kon-metallurgiya, elektrotexnika va boshqa bazaviy
tarmoqlarda sanoat xavfsizligi, mehnat xavfsizligi, mahsulot sifatini
ta’minlash bo‘yicha texnik va texnologik jihatdan tartibga solish sohasidagi
normativ-huquqiy hujjatlarni, shu jumladan idoraviy hujjatlarni yetakchi
xorijiy davlatlar tajribasiga muvofiq takomillashtirish dasturini tasdiqlash
uchun Vazirlar Mahkamasiga kiritsin.
14.
Vazirlar Mahkamasi ijro etuvchi apparati tuzilmasining Geologiya, energetika,
sanoat va uning bazaviy tarmoqlarini rivojlantirish masalalari departamentida
boshqaruv xodimlarining umumiy cheklangan soni 4 nafardan iborat bo‘lgan Metallurgiya
tarmog‘ini va mis sanoati klasterini rivojlantirish sho‘basi (keyingi
o‘rinlarda — Metallurgiya sho‘basi) tashkil etilsin.
Belgilansinki,
Metallurgiya sho‘basining 1 nafar shtat birligi Vazirlar Mahkamasi apparatining
umumiy shtat birliklari doirasida hamda qo‘shimcha ajratilayotgan 3 nafar shtat
birligi O‘zbekiston Respublikasi Prezidentining 2021-yil 3-apreldagi “Davlat
hokimiyati va boshqaruvi organlarining tuzilmasini maqbullashtirish va shtat
birliklari sonini qisqartirish to‘g‘risida”gi PQ–5053-son qaroriga muvofiq maqbullashtirilgan shtat
birliklari hisobiga shakllantiriladi.
15.
Quyidagilar Metallurgiya sho‘basining asosiy vazifalari etib belgilansin:
vazirliklar,
idoralar, mahalliy ijro etuvchi hokimiyat organlarining Mis sanoati klasterini
tashkil etish va rivojlantirish konsepsiyalari va dasturlarini ishlab chiqish
hamda amalga oshirish bo‘yicha ishini muvofiqlashtirish;
vazirliklar,
idoralar, mahalliy ijro etuvchi hokimiyat organlarining Mis sanoati klasterini
tashkil etish va rivojlantirish hamda ushbu qarorda berilgan topshiriqlar
bo‘yicha amalga oshirayotgan ishlarining natijadorligini nazorat qilish;
Maxsus
komissiyaning ishchi organi vazifasini bajarish;
har
o‘n kunda Maxsus komissiya yig‘ilishlarida “yo‘l xaritasi” va ushbu qarorda
berilgan topshiriqlar bo‘yicha amalga oshirilgan ishlarning natijadorligi
muhokama qilinishini tashkil etish.
16.
Iqtisodiy taraqqiyot va kambag‘allikni qisqartirish vazirligi Moliya vazirligi,
manfaatdor vazirlik va idoralar bilan birgalikda ikki oy muddatda qonunchilik
hujjatlariga ushbu qarordan kelib chiqadigan o‘zgartirish va qo‘shimchalar
to‘g‘risida Vazirlar Mahkamasiga takliflar kiritsin.
17.
Mazkur qarorning ijrosini nazorat qilish O‘zbekiston Respublikasining Bosh
vaziri A.N. Aripov hamda O‘zbekiston Respublikasi Bosh vazirining o‘rinbosari
J.A. Qo‘chqorov zimmasiga yuklansin.
O‘zbekiston
Respublikasi Prezidenti Sh. MIRZIYOYEV
Toshkent
sh.,
2021-yil
24-iyun,
PQ-5159-son
O‘zbekiston Respublikasi Prezidentining
2021-yil 24-iyundagi PQ-5159-son qaroriga
1-ILOVA
Mis sanoati klasterini tashkil etish va rivojlantirish
“YO‘L XARITASI”
T/r |
Chora-tadbirlar |
Amalga oshirish shakli |
Amalga oshirish muddati |
Mas’ul ijrochilar |
I. Iqtisodiyot drayveri sifatida mis sanoati klasterini rivojlantirish |
||||
1. |
Geologiya fani va geologiya xizmatlar bozorini rivojlantirish (geologiya-qidiruv ishlari, marksheyderlik xizmatlari, laboratoriya va boshqalar). |
|||
1.1 |
Mis xomashyosi hamda rangli, nodir va noyob metallarni, shu jumladan, qimmatbaho komponentlarni oqilona ajratib olishga yo‘naltirilgan istiqbolli ilmiy ishlanmalar va tadqiqot loyihalar portfelini shakllantirish. |
Ilmiy-tadqiqot ishlari dasturi |
2021-yil iyul |
Davlat geologiya qo‘mitasi (B. Islamov), NKMK (Q. Sanaqulov), OKMK (A. Xursanov) |
1.2 |
Tasdiqlangan istiqbolli loyihalar portfeliga muvofiq ilmiy ishlanmalar va tadqiqotlar bajarilishini tashkil etish, keyinchalik texnologiyalar transferini amalga oshirish va ularni tijoratlashtirish. |
Davlat geologiya qo‘mitasi Ilmiy-texnik kengashining qarori |
Grafik asosida |
|
1.3 |
Geologiya fanlari universiteti bazasida zamonaviy laboratoriyani tashkil etish va xalqaro akkreditatsiyadan o‘tkazishni boshlash. |
Amaliy tadbirlar |
2021-yil davomida |
Davlat geologiya qo‘mitasi (B. Islamov) |
1.4 |
Xususiy ixtisoslashgan kompaniyalar tomonidan autsorsing asosida bajariladigan obyektlar va ishlar (xizmatlar) ro‘yxatini shakllantirish. |
Davlat geologiya qo‘mitasi qarori |
2021-yil avgust |
Davlat geologiya qo‘mitasi (B. Islamov) |
1.5 |
Geologiya-qidiruv, marksheyderlik va laboratoriya-tadqiqot ishlarini bajarish uchun autsorsing asosida, shu jumladan “O‘zbek geologiya qidiruv” AJga yordamchi pudr�tchi tashkilotlarni jalb qilish uchun tanlov �tkazish. |
Davlat geologiya qo‘mitasi va Moliya vazirligi qarori |
2021-yil sentyabrdan |
Davlat geologiya qo‘mitasi (B.
Islamov), |
1.6 |
Davlat geologiya qo‘mitasi huzuridagi “Geologiya-marksheyderlik xizmati” DKning moddiy-texnika bazasini mustahkamlash bo‘yicha chora-tadbirlar rejasini ishlab chiqish. |
Chora-tadbirlar rejasi |
2021-yil iyul |
Davlat geologiya qo‘mitasi (B. Islamov) |
Zarur asbob-uskunalar, texnikalar va qurilmalarni o‘rnatilgan tartibda sotib olish. |
Davlat geologiya qo‘mitasi qarori |
Grafik asosida |
||
2. |
Loyiha va injiniring xizmatlarini, shu jumladan yetakchi xalqaro kompaniyalar bilan qo‘shma korxonalar tashkil etish orqali rivojlantirish. |
|||
2.1 |
Bozorni va kon-geologiya obyektlarni loyihalash sohasidagi salohiyatli hamkorlar ro‘yxatini tahlil qilish. |
Tahliliy materiallar |
2021-yil iyul |
Vazirlar
Mahkamasi (S. Umurzoqov), |
2.2 |
Hamkorlik shartlarini aniqlash va “O‘zgeorangmetliti” loyihalash instituti negizida qo‘shma korxona tashkil etish. |
Kelishuv loyihasi |
2021-yil avgust |
|
2.3 |
“O‘zgeorangmetliti” loyihalash instituti negizida qo‘shma korxona tashkil etish uchun sherik — injiniring kompaniyasi bilan muzokara o‘tkazish va tanlash. |
Qo‘shma korxona tashkil etish bo‘yicha kelishuv |
2021-yil sentyabr |
|
2.4 |
Xorijiy davlatlarning kam xarajatli injiniring xizmatlarini rivojlantirish bo‘yicha tajribalarini o‘rganish va ularni respublikada qo‘llash bo‘yicha takliflarni tayyorlash. |
Tahliliy materiallar |
2021-yil 1-sentabr |
Moliya vazirligi (T. Ishmetov), ITSV (Sh.
Vafayev), (B.
Islamov), OKMK (A. Xursanov) |
3. |
Navoiy mashinasozlik zavodi, OKMK Markaziy ta’mirlash-mexanika zavodi va “Nodir metallar va qattiq qotishmalar ishlab chiqarish” IIChB hamda “O‘zbekko‘mir” AJ tarkibiga kiradigan Tog‘-kon uskunalarini sozlash zavodining ishlab chiqarish bazasida kon-metallurgiya mashinalari va uskunalarini ishlab chiqarish va ta’mirlashni tashkil etish. |
|||
3.1 |
Mahalliy xaridlar doirasida amalga oshiriladigan yoki yetakchi xorijiy litsenziarlar va ishlab chiqaruvchilarni jalb qilgan holda mahalliylashtirish uchun taklif etilayotgan kon-metallurgiya texnikalari va uskunalari ro‘yxatini shakllantirish. |
OKMK va NKMK sohaviy ITK majlisi bayoni |
2021-yil iyul |
NKMK (Q. Sanaqulov), OKMK (A. Xursanov) |
3.2 |
Kooperatsiya asosida, shu jumladan butlovchi va ehtiyot qismlar ishlab chiqarish uchun xususiy sektorni jalb qilgan holda kon-metallurgiya texnikalari va uskunalarini ishlab chiqarish hamda xizmat ko‘rsatishni tashkil etish bo‘yicha takliflar tayyorlash. Konstruktorlik hujjatlarini ishlab chiqishda, texnologiyalarni ishlab chiqishda va mahsulot sifatini yaxshilashda xususiy sektorga ko‘mak berishga alohida e’tibor qaratiladi (NKMK tajribasiga ko‘ra). |
Tarmoq grafigi bilan har bir turdagi uskunalar bo‘yicha “yo‘l xaritalari” |
2021-yil avgust |
NKMK (Q. Sanaqulov), OKMK (A. Xursanov) |
3.3 |
Mahalliy mis sanoati klasteri bo‘yicha yagona elektron axborot-interaktiv savdo portalini yaratish, bunda quyidagilarni nazarda tutish: mis sanoati klasteri tarkibiga kiruvchi va ushbu sohada faoliyat yurituvchi hamda unga kooperatsiya asosida xizmat ko‘rsatuvchi va mahsulot yetkazib beruvchi tashkilotlar ro‘yxatini tuzish; ushbu tashkilotlarning ishlab chiqaradigan mahsulotlari, ko‘rsatadigan xizmatlari ro‘yxati va spetsifikasi, ularning sifati va shartnoma shartlari bajarilishini inobatga olgan holda aniqlanadigan reytingini yuritish hamda onlayn yoritib borish; portaldan ro‘yxatdan o‘tgan tashkilotlar faoliyatini baholash mezonlarini ishlab chiqish va avtomatik ravishda ularning reytingini hisoblash mexanizmlarini joriy etish; Davlat soliq qo‘mitasi, Davlat bojxona qo‘mitasi, Davlat statistika qo‘mitasi, O‘zbekiston texnik jihatdan tartibga solish agentligi, Sanoat xavfsizligi davlat qo‘mitasi va boshqa davlat organlarining idoraviy elektron ma’lumotlar bazasi bilan integratsiya qilish; mis sanoati klasteri ishtirokchilarining buyurtmalari va xaridlari; respublikada ishlab chiqarilgan kon-metallurgiya mashinalari, texnikalar va uskunalar assortimenti; tegishli yo‘ldosh ishlarga (xizmatlarga) ehtiyoj va xaridlari. |
Yagona elektron axborot-interaktiv savdo portali dasturiy ta’minoti |
2021-yil sentyabr |
Iqtisodiy
taraqqiyot vazirligi (B. Abdinazarov), |
3.4 |
Etakchi xorijiy konsalting kompaniyalarni jalb qilgan holda kon-metallurgiya mashinalari, texnikalar va uskunalar ishlab chiqarishni rivojlantirish konsepsiyasi loyihasini ishlab chiqish. |
Konsepsiya loyihasi |
2021-yil 15-sentabr |
Iqtisodiy
taraqqiyot vazirligi (B. Abdinazarov), OKMK (A. Xursanov) |
3.5 |
Tayyorlangan materiallar asosida 2022 — 2026-yillarda kon-metallurgiya mashinalari, texnikalari va uskunalarining yangi turlarini ishlab chiqarishni rivojlantirish dasturini ishlab chiqish. |
Normativ-huquqiy hujjat |
2021-yil 15-oktabr |
Iqtisodiy taraqqiyot vazirligi (B. Abdinazarov), NKMK (Q. Sanaqulov), OKMK (A.
Xursanov), |
4. |
Faoliyatning ayrim yo‘nalishlari bo‘yicha mahalliy ixtisoslashgan kompaniyalar bilan kooperatsiya va autsorsingni rivojlantirish (asosiy faoliyat bilan bog‘liq bo‘lmagan tovarlar, avtotransport xo‘jaligi, burg‘ulash ishlari, axborot tizimlari va IT xizmatlari va boshqalar). |
|||
4.1 |
Mahalliy ixtisoslashgan kompaniyalarga autsorsingga beriladigan tovarlar, ishlar (xizmatlar) turlari ro‘yxati va ularning hajmlarini shakllantirish. |
Autsorsingga o‘tkaziladigan tovar va xizmatlar ro‘yxati va “yo‘l xaritasi” |
2021-yil 15-avgust |
Moliya
vazirligi (T. Ishmetov), OKMK (A. Xursanov) |
4.2 |
Kon-geologiya va metallurgiya sohalariga ixtisoslashgan mahalliy “yunior” korxonalarni qo‘llab-quvvatlash dasturini ishlab chiqish, shuningdek, ular uchun teng raqobat muhitini yaratish. |
Chora-tadbirlar dasturi |
2021-yil iyul |
Moliya vazirligi (T. Ishmetov), Iqtisodiy taraqqiyot vazirligi (B. Abdinazarov) |
4.3 |
2021 — 2023-yillarda tegishli tovarlar (ishlar, xizmatlar)ni autsorsingga bosqichma-bosqich o‘tkazish bo‘yicha tarmoq jadvalini (chora-tadbirlar rejasi) ishlab chiqish. |
Chora-tadbirlar rejasi |
2021-yil 15-avgust |
Moliya
vazirligi (T. Ishmetov), OKMK (A. Xursanov) |
4.4 |
Mahalliy “yunior” korxonalarni qo‘llab-quvvatlash dasturi va tegishli ishlarni (xizmatlarni) autsorsingga bosqichma-bosqich o‘tkazish bo‘yicha tarmoq jadvali (chora-tadbirlar rejasi) bo‘yicha tayyorlangan tadbirlarni amalga oshirish yuzasidan tizimli ishlarni tashkil etish. |
Tanlovni e’lon qilish, monitoring o‘tkazish |
Tasdiqlangan grafik asosida |
Iqtisodiy taraqqiyot vazirligi (B. Abdinazarov), Moliya
vazirligi |
5. |
Chet el kompaniyalari — texnologiya egalarini jalb qilgan holda yuqori qo‘shimcha qiymatga ega ishlab chiqarishni rivojlantirish (“Nodir metallar va qattiq qotishmalar ishlab chiqarish” IIChB, “O‘zeltexsanoat” korxonalari, “Texnopark” va boshqalar). |
|||
5.1 |
Mis va mis qotishmalaridan foydalangan holda mahsulot ishlab chiqarishning global zanjirlarini tahlil qilish, respublikada raqobatbardosh ustunlik mavjud bo‘lgan tovarlarning maqsadli guruhlarini, shu jumladan “yashil iqtisodiyot” rivojlanishini hisobga olgan holda aniqlash. |
Tahliliy ma’lumot |
2021-yil sentyabr |
Iqtisodiy
taraqqiyot vazirligi (B. Abdinazarov), |
5.2 |
Rangli, nodir va noyob metallarni chuqur qayta ishlash bo‘yicha texnologik klastyerlarni yaratish yuzasidan ochiq hamkorlik dasturini shakllantirish. |
Hamkorlik dasturi |
2021-yil oktyabr |
|
5.3 |
Qattiq va issiqqa chidamli qotishmalar, asboblar va mahsulotlar ishlab chiqarish uchun texnologik klaster yaratish bilan “Nodir metallar va qattiq qotishmalar ishlab chiqarish” IIChBni rivojlantirish konsepsiyasini ishlab chiqish. |
Konsepsiya loyihasi |
2021-yil sentyabr |
Iqtisodiy
taraqqiyot vazirligi (B. Abdinazarov), |
5.4 |
Mis sanoati klasteri faoliyatini tashkil etishga yetakchi xorijiy ishlab chiqaruvchilar va salohiyatli investorlarni jalb qilish tizimini joriy etish. Biznes-rejalarni, loyihalar uchun loyihaviy hujjatlarni tayyorlashni qo‘llab-quvvatlash va rag‘batlantirish bo‘yicha takliflar tayyorlash. |
Tanlov asosida, investitsiya kelishuvi |
2021-yil noyabrdan |
ITSV (A.
Voitov), |
5.5 |
Mis sanoati klasterini tashkil etish uchun zarur investitsiya loyihalari ro‘yxatini tarmoqlar kesimida tayyorlagan holda, maxsus sanoat zonalarini tashkil etish yuzasidan takliflar tayyorlash. |
Normativ-huquqiy hujjat |
2021-yil 31-dekabr |
ITSV (A.
Voitov), “O‘zeltexsanoat”
(M. Yunusov), |
6. |
Ilmiy-tadqiqot va tajriba-konstruktorlik ishlarining (ITTKI) o‘zaro bog‘liq tizimini rivojlantirish, innovatsiyalarni joriy etish va sohaga oid texnologiyalarni transferi markazlarini yaratish. |
|||
6.1. |
Quyidagilarni nazarda tutgan holda NKMK Innovatsion markazi, OKMK Yangi texnologiyalar ilmiy-texnologik markazi, IIT huzuridagi Ilmiy-texnologik markazni rivojlantirish konsepsiyalarini ishlab chiqish: moddiy-texnika va ekspert bazasini, shu jumladan tadqiqot-tahlil laboratoriyalarini mustahkamlash; mahsulot tannarxini pasaytirish, sifatini oshirish va chiqindilarni qayta ishlash bo‘yicha ilmiy izlanishlar o‘tkazish yuzasidan qo‘shma dasturlarni ishlab chiqish; mavjud xorijiy texnologiyalar transferini amalga oshirish va moslashtirish; ishlab chiqarishga innovatsiyalar va yangi texnologiyalarni joriy etish; davlat ilmiy-tadqiqot institutlari, universitetlar, xususiy korxonalarning mavjud laboratoriyalariga kirishni tashkil etish. |
Kuzatuv Kengashlari tomonidan tasdiqlangan rivojlantirish Konsepsiyasi |
2021-yil avgust |
NKMK (Q. Sanaqulov), OKMK (A.
Xursanov), |
6.2. |
Yillik ish dasturini tanlov asosida moliyalashtirish uchun NKMK va OKMK ilmiy-innovatsion faoliyatini moliyalashtirish jamg‘armalarini shakllantirish. |
Kuzatuv kengashi qarori |
2021-yil avgust |
NKMK (Q. Sanaqulov), OKMK (A. Xursanov) |
7. |
Kon-metallurgiya sanoati uchun zarur bo‘lgan kimyoviy mahsulotlarni ishlab chiqarishni kengaytirish bo‘yicha chora-tadbirlar dasturini (“Navoiyazot” AJda tashkil etilayotgan texnologik kimyo klasterini hisobga olgan holda) ishlab chiqish. Bunda: tarmoq va tegishli yo‘ldosh ishlab chiqarish talablaridan kelib chiqib kimyoviy va neft-kimyo mahsulotlari (reagentlar, portlovchi moddalar va boshqalar) yetkazib berishni kengaytirish; ichki ehtiyoj va xomashyoning mavjudligidan kelib chiqqan holda, tog‘-kon kombinatlari tomonidan ayrim turdagi kimyoviy mahsulotlar ishlab chiqarishni ta’minlash. |
Chora-tadbirlar dasturi |
2021-yil 30-oktabr |
Iqtisodiy
taraqqiyot vazirligi (B. Abdinazarov), OKMK (A. Xursanov), Innovatsion rivojlanish vazirligi (I. Abduraxmanov) |
8. |
Quyidagi manbalar bo‘yicha takliflarni ishlab chiqish bilan Mis sanoati klasterini zarur resurslar va infratuzilma bilan ta’minlashmasalalarini o‘rganish. Bunda Mis sanoati klasterini tashkil qilishda: elektr energiyasi, shu jumladan qayta tiklanuvchi energiya manbalaridan foydalangan holda ishlab chiqarish va transportirovka qilish imkoniyatlarini; suv ta’minoti, transport va muhandislik kommunikatsiyalarini yaratish masalalarini; klaster korxonalarining faoliyatini raqamlashtirish va telekommunikatsiya texnologiyalarini joriy etish masalalarini nazarda tutish. |
Tahliliy materiallar |
2021-yil 1-noyabr |
Iqtisodiy taraqqiyot vazirligi (B. Abdinazarov), Moliya
vazirligi Energetika
vazirligi (A. Sultanov), Axborot
texnologiyalari va kommunikatsiyalarini rivojlantirish vazirligi |
9. |
Chet elning yetakchi konsalting kompaniyalari, xorijiy mutaxassislarni jalb qilgan holda Mis sanoati klasterini tashkil etish va rivojlantirish konsepsiyasi loyihasini muhokama qilish va ekspertizadan o‘tkazish. |
Konsepsiya loyihasi |
2021-yil 1-noyabr |
Iqtisodiy
taraqqiyot vazirligi (B. Abdinazarov), OKMK (A. Xursanov), “O‘zeltexsanoat” (M. Yunusov) |
10. |
Mis sanoati klasterini yaratish uchun zarur bo‘lgan investitsiya loyihalari ro‘yxatini tarmoqlar bo‘yicha tayyorlash: mavjud ishlab chiqarishlarni modernizatsiya qilish loyihalari; yangi quvvat va ishlab chiqarishlarni yaratish. Kon-geologiya klasteri uchun maxsus sanoat zonalarini yaratish bo‘yicha takliflarni tayyorlash. |
Loyihalar ro‘yxati hisob-kitoblar bilan |
2021-yil 31-dekabr |
ITSV (A.Voitov), Moliya
vazirligi |
11. |
Muhandislar, texnik va boshqa xodimlarni tayyorlash va ularning malakasini oshirish tizimini ishlab chiqish. |
|||
11.1 |
OKMK va NKMK muhandis-texnik xodimlarining asosiy toifalariga malaka talablarini ishlab chiqish. |
Malakaviy talablar |
2021-yil avgust |
NKMK (Q. Sanaqulov), OKMK (A.
Xursanov), |
11.2 |
Navoiy davlat konchilik instituti va Olmaliq shahridagi MISIS filiali negizida muhandis-texnik xodimlarning malakasini oshirish dasturlarini tayyorlash. |
O‘quv dasturlari |
2021-yil sentyabrdan |
|
11.3 |
Ilg‘or xorijiy tajribani o‘rgangan holda, mis sanoati klasteri uchun kadrlarni tayyorlash va qayta tayyorlash, ularning malakasini oshirish hamda sohada tajriba-konstruktorlik va ilmiy izlanishlar ko‘lamini kengaytirish dasturini ishlab chiqish: kon-metallurgiya sanoati hamda mashinasozlik, dastgohsozlik, el�ktrotexnika, elektronika, yarim o‘tkazgichlar fizikasi kabi unga bog‘liq bo‘lgan sohalar uchun muhandis, texnik va boshqa o‘rta bo‘g‘in ishchi-xodimlarni tayyorlash bo‘yicha professional ta’lim o‘quv dasturlarini ularning amaliyot bilan uzviy bog‘liqligini yanada kuchaytirgan holda takomillashtirish; sohada joriy etilayotgan yangi texnologiyalarni o‘zlashtirish va ulardan samarali foydalanish, loyihalashtirish, tajriba-konstruktorlik faoliyatini rivojlantirish maqsadida kadrlar malakasini oshirish va ularni qayta tayyorlash; ixtisoslashtirilgan oliy ta’lim muassasalarida mos yo‘nalishlar bo‘yicha kechki, sirtqi va masofaviy ta’lim shakllari asosida kadrlar tayyorlash tizimini rivojlantirish, shuningdek, ilmiy izlanishlar olib borish ko‘lamini kengaytirish. |
Normativ-huquqiy hujjat |
2021-yil 1-dekabr |
Oliy va o‘rta maxsus ta’lim
vazirligi (A. Toshqulov), NKMK (Q. Sanaqulov), OKMK (A. Xursanov), “O‘zeltexsanoat” (M. Yunusov) |
11.4 |
Elektrotexnika sanoati sohasida kasbiy malaka talablarini ishlab chiqish. |
Malakaviy talablar |
2021-yil dekabr |
“O‘zeltexsanoat” (M. Yunusov), Oliy va o‘rta maxsus ta’lim vazirligi (A. Toshqulov), Mehnat
vazirligi |
II. Mis, rangli va noyob metallarga geologiya-qidiruv ishlarini kengaytirish |
||||
12. |
2022 — 2026-yillarga mo‘ljallangan mis va boshqa rangli va noyob metallar uchun geologiya-qidiruv ishlarining maqsadli dasturini quyidagilarni nazarda tutgan holda ishlab chiqish: Sulton Uvays tog‘lari va Olmaliq mintaqasida qidiruv ishlarini olib borish; Miskon maydonida va “Yoshlik-2” konining qanotlarida geologiya-qidiruv ishlarini jadallashtirish; Surxondaryo va Navoiy viloyatlarida qo‘shimcha geologiya-qidiruv ishlarini olib borish. |
Normativ-huquqiy hujjat |
2021-yil avgust |
Davlat
geologiya qo‘mitasi ITSV (Sh.
Vafayev), |
13. |
Qalmoqqir, “Yoshlik-1” va Qorabuloq konlarida birlashgan loyihaviy ochiq koni doirasida JORC xalqaro standartlariga muvofiq batafsil geologiya tadqiqotlarni yakunlash. |
Foydali qazilmalar zaxiralari bo‘yicha Davlat komissiyasining bayoni |
2021-yil oktyabr |
Davlat
geologiya qo‘mitasi |
14. |
Mis xomashyosi, rangli va noyob metallarni qidirish jarayoniga xalqaro kompaniyalarni jalb qilish: |
Davlat
geologiya qo‘mitasi |
||
geologiya-qidiruv ishlari va 3D modellashtirish obyektlarini aniqlash, bunda mazkur ishlarni amalga oshirishni qo‘llab-quvvatlash uchun chet el kompaniyalarini jalb qilish; |
Davlat geologiya qo‘mitasi qarori |
2021-yil iyul |
||
kompaniyalarni tanlash bo‘yicha tanlov savdolarini o‘tkazish jadvalini ishlab chiqish; |
Tarmoq grafigi |
2021-yil iyul |
||
tender hujjatlarini tayyorlash va uni ekspertizadan o‘tkazish; |
LEQM xulosasi |
|||
tanlov o‘tkazish va g‘olib bilan shartnomalar tuzish. |
Shartnomalar xulosasi |
2021-yil davomida |
||
15. |
Geologiya obyektlarini auksion orqali xususiy sektorga va investorlarga geologiya-qidiruv va qazib olish ishlarini amalga oshirish uchun sotish: |
|||
geologiya tadqiqotlar natijalari bo‘yicha auksion orqali sotuvga qo‘yilgan rangli va noyob metallarga oid geologiya obyektlar portfelini aniqlash; |
Davlat geologiya qo‘mitasi qarori |
2021-yil iyul-avgust |
Davlat
geologiya qo‘mitasi ITSV (Sh.
Vafayev), |
|
potensial investorlarni xabardor qilish va ularni auksionga qo‘yish uchun taqdimot materiallarini tayyorlash; |
Materiallar paketi |
2021-yil sentyabr |
||
belgilangan tartibda auksionni tashkil etish. |
Auksion bayoni |
2021-yil sentyabrdan |
||
III. Atrof-muhitni muhofaza qilish va suvdan foydalanish standartlari |
||||
16. |
Kon-metallurgiya sanoatida milliy ekologik talablarni xalqaro standartlarga muvofiqlashtirish: O‘zbekistonning amaldagi qonunchiligini xalqaro amaliyot bilan qiyosiy tahlil qilish; amaliy tadbirlar rejasi va xalqaro ekologik talablarni amalga oshirish jadvalini ishlab chiqish; mis ishlab chiqarish korxonalarida ekologiya va atrof-muhit muhofazasi sohasida faoliyat yuritayotgan mutaxassislarning malakasini oshirish dasturini ishlab chiqish; kon-metallurgiya sanoati va boshqa bazaviy tarmoqlarning yirik korxonalarida atrof-muhitga chiqariladigan ifloslantiruvchi moddalarning me’yordan ortiq miqdori va ularning ekologiyaga ta’sirini baholash na�ijalar bo‘yicha ushbu korxonalarda chiqindilarni kamaytirish dasturlarini ishlab chiqish; “yashil kun tartibi”ni hisobga olgan holda taklif etilayotgan o‘zgarishlarning iqtisodiy ta’sirini baholash; amaliy tadbirlar rejasini amalga oshirish uchun xalqaro moliya tashkilotlari va xorijiy donorlarning grantlar va texnik yordamini jalb qilish. |
Normativ-huquqiy hujjat |
2021-yil avgust |
Davlat ekologiya qo‘mitasi (A. Maqsudov), O‘zbekiston texnik NKMK (Q. Sanaqulov), OKMK (A. Xursanov), ITSV (Sh. Vafayev) |
17. |
Investitsiya loyihalari ro‘yxati bilan OKMK va NKMK uchun chiqindilarni kamaytirish dasturlarini ishlab chiqish. |
Kuzatuv kengashi qarori |
2021-yil oktyabr |
NKMK (Q. Sanaqulov), OKMK (A.
Xursanov), |
18. |
Kon-metallurgiya, elektrotexnika va boshqa bazaviy tarmoqlarda sanoat xavfsizligi, mehnat xavfsizligi, mahsulot sifatini ta’minlash bo‘yicha texnik va texnologik jihatdan tartibga solish sohasidagi normativ-huquqiy hujjatlar, shu jumladan idoraviy hujjatlarni yetakchi xorijiy davlatlar tajribasiga muvofiq takomillashtirish dasturini tasdiqlash. |
Normativ-huquqiy hujjat |
2021-yil 31-dekabr |
Sanoat
xavfsizligi davlat qo‘mitasi (B. Gulyamov), Mehnat vazirligi (N.
Xusanov), |
19. |
OKMK va NKMKning suv resurslariga bo‘lgan ehtiyojini o‘rganish: ishlab chiqarish dasturlarini hisobga olgan holda NKMK va OKMK ishlab chiqarish korxonalarida suvdan foydalanishni baholash; investitsiya loyihalari ro‘yxati bilan OKMK va NKMK uchun suv resurslaridan tejamkor foydalanish dasturini ishlab chiqish. |
Kuzatuv kengashi qarori |
2021-yil |
Suv
xo‘jaligi vazirligi Sanoat
xavfsizligi davlat qo‘mitasi (B. Gulyamov), OKMK (A. Xursanov) |
IV. Soliq rejimi va moliyaviy masalalar |
||||
20. |
Xalqaro amaliyotni o‘rganish, sanoat korxonalari, mutaxassislar va xalqaro tashkilotlar bilan maslahatlashish. |
Tahliliy materiallar |
2021-yil iyul |
Vazirlar Mahkamasi (J.
Qo‘chqorov), |
21. |
Kon-metallurgiya sanoati bo‘yicha jahon amaliyotni o‘rganish, eng maqbul tajribalarni respublika amaliyotiga tatbiq etish, ishlab chiqarish zanjirlarini tahlil qilish va rivojlantirish, qazib olish tannarxini kamaytirish va qo‘shimcha qiymat yaratish masalalari bilan shug‘ullanuvchi Kon-metallurgiya sanoati iqtisodiyotini o‘rganish markazini tashkil etish. |
Tahliliy materiallar |
2021-yil sentyabr |
|
22. |
Kon-metallurgiya sanoati uchun yangi soliqqa tortish tizimini joriy etish bo‘yicha quyidagilarni ko‘zda tutgan holda takliflar kiritish: foydali qazilmalarni qazib olish uchun maxsus renta solig‘ini joriy etish; NKMK va AGMK foydalariga qo‘shimcha foyda solig‘ini bosqichma-bosqich kamaytirish; konchilik sohasidagi yangi loyihalar uchun soliq solishning maxsus mexanizmini joriy etish; 2022-yildan boshlab O‘zbekiston Respublikasi Soliq kodeksiga tegishli o‘zgartirishlar kiritish. |
Normativ-huquqiy hujjat |
2021-yil 1-oktabr |
Vazirlar Mahkamasi (J.
Qo‘chqorov), |
23. |
Mis sanoati klasterini tashkil etishga bog‘liq bo‘lgan moliyaviy masalalarni o‘rganish: xarajatlarni baholash va investitsiyalarga bo‘lgan ehtiyoj; mablag‘larning istiqbolli manbalari; loyiha hujjatlarini tayyorlashni rag‘batlantirish va yangi texnologiyalarni jalb qilish bo‘yicha takliflar. |
Tahliliy materiallar |
2021-yil 1-noyabr |
Moliya
vazirligi ITSV (Sh. Vafayev), Iqtisodiy taraqqiyot vazirligi (B. Abdinazarov) |
24. |
Sanoat tarmoqlarida milliy raqobatbardoshlikni, shu jumladan mehnat unumdorligini oshirish dasturini amalga oshirish bo‘yicha o‘rganish va takliflar taqdim etish. |
Tahliliy materiallar |
2021-yil 1-noyabr |
Vazirlar Mahkamasi (J.
Qo‘chqorov), |
O‘zbekiston Respublikasi Prezidentining
2021-yil 24-iyundagi PQ-5159-son qaroriga
2-ILOVA
Mis sanoati
klasterini tashkil etish va rivojlantirish bo‘yicha maxsus komissiya
tarkibi
A.N. Aripov |
— |
O‘zbekiston Respublikasining Bosh vaziri, komissiya raisi |
J.A. Qo‘chqorov |
— |
O‘zbekiston Respublikasi Bosh vazirining o‘rinbosari — iqtisodiy taraqqiyot va kambag‘allikni qisqartirish vaziri, komissiya raisi o‘rinbosari |
R.A. Gulyamov |
— |
O‘zbekiston Respublikasi Prezidenti maslahatchisi, komissiya raisi o‘rinbosari |
T.A. Ishmetov |
— |
moliya vaziri |
I.Y. Abduraxmanov |
— |
innovatsion rivojlanish vaziri |
B.F. Islamov |
— |
Davlat geologiya qo‘mitasi raisi |
Sh.M. Sadikov |
— |
axborot texnologiyalari va kommunikatsiyalarini rivojlantirish vaziri |
B.I. Zakirov |
— |
qurilish vaziri |
A.B. Voitov |
— |
investitsiyalar va tashqi savdo vazirining birinchi o‘rinbosari |
B.Q. Abdinazarov |
— |
iqtisodiy taraqqiyot va kambag‘allikni qisqartirish vaziri o‘rinbosari |
Sh.A. Vafayev |
— |
investitsiyalar va tashqi savdo vaziri o‘rinbosari |
A.N. Karimov |
— |
adliya vaziri o‘rinbosari |
Q.S. Sanaqulov |
— |
“Navoiy kon-metallurgiya kombinati” AJ bosh direktori |
A.X. Xursanov |
— |
“Olmaliq kon-metallurgiya kombinati” AJ boshqaruv raisi |
B.V. Gulyamov |
— |
Sanoat xavfsizligi davlat qo‘mitasi raisi |
A.I. Maksudov |
— |
Ekologiya va atrof-muhitni muhofaza qilish davlat qo‘mitasi raisi |
Lavozimi bo‘yicha |
— |
O‘zbekiston texnik jihatdan tartibga solish agentligi direktori |
M.M. Yunusov |
— |
“O‘zeltexsanoat” uyushmasi boshqaruv raisi |
A.R. Jumanazarov |
— |
Vazirlar Mahkamasining Geologiya, energetika, sanoat va uning bazaviy tarmoqlarini rivojlantirish masalalari departamenti boshlig‘ining o‘rinbosari |
Lavozimi bo‘yicha |
— |
Vazirlar Mahkamasining Metallurgiya tarmog‘ini va mis sanoati klasterini rivojlantirish sho‘basi mudiri, komissiya kotibi |
Izoh: Komissiya a’zolari boshqa ishga o‘tgan taqdirda, uning
tarkibiga ushbu lavozimlarga yangi tayinlangan yoki tegishli funksiyalarni
bajarish zimmasiga yuklangan shaxslar kiritiladi.
(Qonunchilik
ma’lumotlari milliy bazasi, 25.06.2021-y., 07/21/5159/0603-son)